Udal brigadarentzako ibilgailu berria

2017/03/29
Soraluzeko Udalak zerbitzuetako lan-taldearentzako ibilgailu berria erosi du, karga handiagoak modu erosoagoan garraiatzeko eta eraginkortasunean irabazteko.

Udalak Nissan Atleon 120 markako ibilgailua erosi du udal brigadarentzat, 3500 Kg-ko iraulki–kamioia.

Kamioi berri honekin bi ibilgailu izango ditu aurrerantzean udaleko zerbitzuetako brigada edo lan-taldeak, eta, modu horretan, duen lan-karga arindu eta mugikortasun ahalmena areagotu egingo ditu.

Halaber, ibilgailuak zama gehiago eta handiagoak garraiatzeko aukera ematen duenez, lana modu eraginkorragoan egin ahal izango du lan-taldeak.

Ibilgailuarengatik 9.000 euro, gehi BEZa, ordaindu ditu Udalak.