Kamikaze Helmets musika taldeak eta Oihana Arana bertsolariak emanaldia eskainiko dute domekan, urriaren 19an
"Bideak" proiektuaren baitan, Kamikaze Helmets musika taldeak eta Oihana Arana bertsolariak emanaldia eskainiko dute domekan, urriaren 19an, eguardiko 13:00ean, San Ana kalean.
Gaztelupeko Hotsak disketxearen Bideak proiektua musika eta beste disziplina batzuk uztartzen dituen emanaldi sorta da, kultur adierazpen garaikideak, inprobisazioa eta tokiko komunitatearen parte-hartzea bateratu nahi dituena. Datorren domekan, urriak 19, proiektuko saio berria eskainiko du rock musika eta bertsoa uztartuko dituen emanaldiarekin; eguardiko 13:00ean, Santa Ana kalean.
Kamikaze Helmets gitarrarik gabeko rock musika talde madrildarrak eta Oihana Arana bertsolari eskoriatzarrak eskuz esku jardungo dute bertan, entzuleen gozagarri.
