Udalbatzak osoko bilkura egingo du gaur, eguena
Udal korporazioa osatzen duten zinegotziek hamaika puntu izango dituzte aztergai gaur, eguena, arratsaldeko 19:00etan udalbatzarrak egingo duen bi hilean behingo ohiko batzarrean.
Udal ordezkariek batzarra egingo dute gaur, eguena, maiatzaren 22a, arratsaldeko 19:00etan, ondorengo gai-zerrendarekin:
- 2025eko otsailaren 19ko eta apirilaren 10eko saioen aktak, hala badagokio, onartzea.
- Alkatetzaren dekretuen berri ematea.
- 2024ko aurrekontuaren kontu orokorra onartzea.
- Soraluzeko Ezozibidea auzoan eraikinak birgaitzeko 2. faseko dirulguntzen doiketa.
- Eraikuntza, obra eta instalazioen gaineko zerga arautzen duen ordenantza fiskalaren aldaketa.
- Udal instalazioak garbitzeko zerbitzuaren kontratua lehiaketa bidez emateko espedientearen hasiera.
- 2024ko likidazioan finantza iraunkortasunaren txostenaren berri ematea.
- Urteko lan-egutegirako herriko jai-eguna izendatzea.
- Ainara Osoro Txurruka andreak zinegotzi karguari uko egingo diola jakitea.
- Soraluze etxebizitza-merkatuko tentsio-eremu izendatzeko mozioa.
- Eskari eta galderak.