Ehoziri, kakorratz eta puntu-lanen tailerra urrian hasiko da; dagoneko eman daiteke izena
Udalaren laguntzaz antolatzen den helduentzako ehoziri, kakorratz eta puntu-lanen tailerrak urriaren 6an hasiko du ikasturte berria; dagoeneko zabalik da izen-ematea udaletxeko harrera bulegoan.
Urriaren 6an, martitzena, hasiko da helduentzako ehoziri, kakorratz eta puntu-lanen tailerra, Charo Fernandez eta Ana Oya irakasleen gidaritzapean. Martitzenero elkartuko dira taldekideak, arratsaldeko 15:30etik 17:30etara bitarte, Tolarekua aretoan.
Gaurtik aurrera, eguaztena, irailak 9, eman daiteke izena. Horretarako, udaleko harrera bulegora joan behar da astelehenetik barixakura, 9:00etatik 14:00etara. Izen-ematearekin batera urteko 25€ko kuota ordaindu beharko da.
Hauexek dira tailerraren helburuak:
- Hariekin askotariko lanak egiten ikastea
- Eskuak, begiak eta garuna lantzea
- Lagun artean tarte atsegina pasatzea
- Sormena lantzea