Alejandro Rodriguez memoriala
Igandean ospatuko den Alejandro Rodriguezen omenezko I. Herri Krosak hainbat aldaketa eragingo ditu trafikoan eta autobus-zerbitzuan; kotxea ez erabiltzeko deia egin du Udaltzaingoak.
Igandean Soraluzeko I. Herri Krosa ospatuko da, Alejandro Rodriguezen oroimenez, Soraluze Kirol Bazkunak antolatuta.
Lasterketak hainbat aldaketa eragingo ditu herriguneko trafikoan.
- Ezozibidea, Gabolats kalea, Arraikua kalea, Estaziño kalea, Olea auzoa eta Santa Ana kalea itxita egongo da ibilgailuentzako goizeko 10etatik 12:30era.
- Bergararako norabidean dabiltzan autobusak eta Mendarora doazenak Sagarrerrekako geltokian hartuko dira.
- Eibarrerako norabidean dabiltzan autobusak ohiko moduan ibiliko dira, Mendarora doana izan ezik.
Soraluzeko Udaltzaingoak proba amaitu bitartean kotxea ez erabiltzeko deia egin die herritarrei.