Etorkinentzako euskara ikastaroa
Zortzi ikasleko taldea bost hilabetez aritu da euskara ikasten herriko euskaltegian; joan den hilean amaitu zen ikastaroa Eusko Jaurlaritzaren Enplegu eta Gizarte Politiketarako Sailak finantzatu du.
Udaleko Hizkuntza Politikaren Batzordeak antolatuta, 60 orduko oinarrizko euskara ikastaroa egiten aritu da azken hilabeteetan zortzi etorkineko taldea herriko euskaltegian.
Etorkinak euskararekin harremanetan jartzeko xedez, oinarrizko euskara ikastaroa antolatzen du urtero Udaleko Hizkuntza Politikaren Batzordeak.
Ikastaroaren helburua etorkinek euskararekin lehendabiziko harreman bat izatea da eta oinarri-oinarrizko ezagutza batzuk jasotzea: agurrak, zenbakiak...
Aurtengo ikastaroa otsailean hasi zen eta ikasturtearekin batera amaitu da, denon artean antolatutako bazkari batekin.