Azterketa garaia da!

Azterketa garaia da!

2022/01/14
Azterketa garaia izanik, ikasle asko dabil egunotan Baltegieta kaleko Ikasgelan; instalazioa urteko 365 egunetan erabil daiteke, goizeko 8etatik iluntzeko 10etara, aurrez izena emanda.

Unibertsitateko ikasleak azterketa sasoi betean dauden honetan, erabiltzaile joan-etorri handia somatzen da Udalak Baltegieta kalean duen "Ikasgelan".

Ikasgelak 24 ikas-toki edo mahai dauzka, oraintxe COVID-19ari aurre egiteko neurriengatik 12ra murriztuta dagoen arren.

Postu edo mahai bakoitzak ordenagailua konektatzeko entxufea eta wifi konexioa ditu. Horretaz gainera, kafe-makina eta komuna ere badauzkate erabilgarri erabiltzaileek.

Urtean 365 egunetan dago zabalik, goizeko 8etatik gaueko 10etara.

Zerbitzua erabili ahal izateko beharrezkoa da aurrez Udaleko Arreta Bulegoan izena ematea, txartel elektroniko pertsonalizatua behar baita aretora sartu ahal izateko.

Ikasgelari buruzko informazio gehiago eta erabilerarako arauak HEMEN kontsulta daitezke.