Benitoren kontzerturako sarreren zozketa

2017/09/22

Soraluzeko Udalak "Laboral Kutxa"-k eskainitako 6 sarrera zozketatu ditu Benito Lertxundik datorren larunbatean, irailak 30, kiroldegian eskainiko duen kontzertura joateko.

Benito Lertxundi oriotar kantaria 50 urteko ibilbidea ospatzeko moduan izan da eta berak gustukoen duena eginez burutu du, Euskal Herriko geografian barna kontzertuak eskainiz.

"Oroimenaren oraina" izeneko diskoa ardatz zuen bira amaitu ondoren, zuzenekoetan murgilduta dabil orain eta Soraluzen geldialdia egitea erabaki du.

Irailaren 30ean Arane kiroldegian eskainiko duen kontzertuan aipatutako azken diskoko kantez gain bere kanturik ezagunenek ere tokia izango dute.

Bere ohiko musikariez inguratuta izango da oholtza gainean, Juantxo Zeberio piano eta sintetizadorean, Amaiur Cajaraville baxuan, David Gorospe baterian, Angel Unzu gitarra eta bouzukiarekin, Gurutz Bikuña gitarrekin, Xabier Zeberio arrabita eta nyckelharparekin, Pello Ramirez eskusoinua eta bioloncelloarekin, Intza Unaue koroak eginez eta Olatz Zugasti harpa, tekladua eta ahotsa jarriz.

Soraluzeko Udaleko Kultura Batzordeak kontzertu honetara joateko "Laboral Kutxa" etxeak eskainitako 6 sarrera banatu ditu zozketan parte hartu dutenen artean.

Zozketatu diren 6 sarreren irabazleak hauek dira:

Felipe Zamakola

Alana Berraondo

Naiara Kortabarria

Aiora Elizburu

Aitziber Atxa

Axlor Elortza