Bizikletaren Mundu mailako Eguna
Igandean Osintxura egingo den irteerarekin ospatuko da Soraluzen Bizikletaren Mundu Mailako Eguna, herritarrak garraiobide honen erabileraren garrantziaz ohartarazteko.
Bizikletaren Mundu Mailako Eguna ospatzeko Soraluzetik Osintxurako bizikleta-martxa antolatu du Jasangarritasun Taldeak.
Ekintza honekin bizikletan ibiltzea bezalako ohitura jasangarriak bultzatu nahi dira eta horretarako bidegorriek duten garrantzia azpimarratu.
Bizikleta garraiobide jasangarria izateaz gainera, aisialdirako tresna paregabea da; eta horrela aldarrikatu nahi da igandean, apirilak 24, egingo den irteeran.
Goizeko 11etan izango da irteera Estaziño kaletik eta ibilbidea Soraluze-Bergara-Osintxu.
Osintxun hamaiketakoa egiteko aukera izango da, 12:00ak aldera.