Erdigunea lehenago itxiko da trafikora

2021/04/16
Datorren astelehenetik aurrera, apirilak 19, aurreratu egingo da erdigunea trafikora ixteko ordua; arratsaldeko 1ean itxiko dira ibilgailuentzat Santa Ana eta Etxaburueta kaleak.

Soraluzeko Udaltzaingoak jakinarazi du apirilaren 19tik aurrera, astelehena, aldatu egingo dela erdigunea trafikora ixteko ordutegia.

Aurrerantzean eguerdiko 13:00etan itxiko dira Etxaburueta eta Santa Ana kalea, 15:00etan beharrean.

Hortaz, itxiera ordutegi berbera izango du erdiguneak astelehenetik larunbatera.

Igandeetan, orain artean moduan, itxita egongo da egun osoan zehar.