Errabal kaleko asfaltatze-lanak

Soraluzeko Udalak azken asteetan Errabal kalearen irisgarritasuna hobetzeko aurrera daramatzan lanek aurrera darraite.

Honela, ostiral honetan, hilak 15, kalea asfaltatzeari ekingo diote beharginek.

Asfaltatze lanak goizeko 9:30ean hasiko dira eta 14:00ak arte iraungo dutela aurreikusten da, denbora tarte horretan oinezkoek ezin izango dutelarik bertatik igaro.

Lanak ahalik eta ondoen egin ahal izan ditzaten, Udalak ondorengo gomendioak eman nahi dizkie herritarrei:

• Saiatu lanetan dauden tarteak ez erabiltzen.

• Kontuan izan denbora-tarte batzuetan Zubi Nagusia ere ezingo dela erabili.

• Ahal dela, Gila tabernaren aldeko espaloia erabili, lanek ahalbidetzen duten heinean kalearen alde horixe egokituko baita oinezkoentzat.

• Arreta handiz jokatu lanak egiten ari diren gune osoan.

• Uneoro, obretako langileek esandakoari kasu egin.

• Larrialdia gertatzen bada edo laguntza behar izanez gero, obretako langileengana jo eta haiek esandakoari kasu egin.