"Esnatu Naiz kabareta" igandean antzokian
Andoni Mutiloa aktoreak "Esnatu Naiz kabareta" bere azken lana taularatuko du igande honetan Soraluzeko Herri Antzokian; musika, dantza eta antzerkia tartekatzen dituen ikuskizuna da.
Kulturaldia '21 zikloaren barruan, "Esnatu Naiz kabareta" izenburuko ikuskizuna ikusi ahal izango da igande honetan, arratsaldeko 7:30ean, Herri Antzokian.
Kabaret honetan nortasuna, generoa, eta sexu-joera ezberdinen gaiak lantzen dira.
Bere protagonista Elur da, jatorri euskalduna duen baina Londresen bizi den trans artista bat, zeinak, ikuskizun honen bitartez, LGBTI+ kolektiboko pertsonek oraindik gaur egun Euskal Herrian normaltasun osoan bizitzeko dituzten arazoei buruzko gogoeta egitera garamatzan.
Sarrerak Iratxon eros daitezke aurrez, edota leihatilan, egunean bertan, 5 euroan.