Kirol instalazio berrien ekipamendua

2020/02/18
Udaleko Kirol Batzordeak hasi du gimnasio berria ekipatzeko makinak erosteko prozesua; gimnasioa eta gainontzeko kirol instalazioak apirilerako amaitzea dago aurreikusita.

Soraluzeko Udaleko Kirol Saila hasita dago dagoeneko kiroldegi gainean eraikitzen ari diren gimnasio eta kirol-areto berriak ekipatzeko lanak prestatzen.

Eraikina handitzeko lanak bide onetik doaz, eta apirilerako bukatuko direla aurreikusten da.

Jakina den moduan, eraikinaren anpliazioak gaur egungo espazio-gabezia konpontzea du helburu, 450m2-an handituko du egungo azalera erabilgarria eta 568.000 euroko kostua dauka, horietatik 250.000 Gipuzkoako Foru Aldundiak jarriko dituelarik.

Ondorengoak dira eraikuntza berriak izango dituen instalazioak: Gimnasio berria, spining gela, erabilera anitzeko espazioa, komunak eta takillak.

Gimnasio berria atontzeko, gaur egunean dauden makinez gain, ondorengo makina berriak erosiko dira:

  • 4 Bizikleta profesiona.

  • Eliptika bat.

  • Korrika egiteko zinta bat.

  • Arraun ergonometro bat

Udalak 12.222,27€ erabiliko ditu, BEZ-a barne, gimnasio berria ekipatzeko.