Igandean bisita gidatua

Igandean bisita gidatua

2022/06/08
Igande honetan Dolmenen Ibilbidea ezagutzeko bosgarren bisita gidatua egingo da; gazteleraz izango da, 9 kilometroko ibilbide lau eta errazean; aurrez eman behar da izena.

Igande honetarako, ekainak 12, aurtengo bosgarren bisita gidatua dago antolatuta, Dolmenen Ibilbidean zehar.

Elgoibar, Bergara eta Soraluzeko Udalek urteak daramatzate, Debabarreneko Garapen Agentziarekin elkarlanean, Dolmenen Ibilbidearen (PR-Gi 94) balio arkeologikoa zein paisaia-balioa ezagutzera ematen eta ahalegin horren barruan kokatzen dira urtero antolatzen diren bisita hauek.

Guztira 10 bisita antolatu dira, 4 euskaraz eta 6 gazteleraz.

Ibilbidea

Ibilbide gidatuak 9 kilometroko luzera eta 4 orduko iraupena du, Karakaten hasi eta Irukurutzetarainoko joan-etorria. Ibilbidea erraza eta malda gutxikoa da, familian egiteko aproposa. Gomendatzen da mendi ibilbideetarako oinetako egokiak, kapela eta eguzkitarako krema eguraldi ona eginez gero, ura eta jateko zerbait eramatea.

Bisiten egutegia

Hau da aurtengo bisiten egutegia:

  • Ekainak 12 (gazteleraz).
  • Uztailak 12 (gazteleraz).
  • Abuztuak 15 (gazteleraz).
  • Irailak 25 (euskaraz).
  • Urriak 2 (gazteleraz).
  • Urriak 9 (euskaraz).

Aurreko urteetan bezala, bisitak Karakateko aparkalekutik abiatuko dira goizeko 10:00etan.

Izen-ematea

Izena emateko, 657 794 677 telefonora deitu, edota https://www.debabarrenaturismo.com/eu/dolmenen-ibilbidea/bisita-gidatuak webgunean dagoen formularioa bete.

Zazpigarren edizio honetan iazko bisiten prezioak mantendu egingo  dira.

  • Helduek: 5€
  • Haurrek (<12): 3€.

(*) Bergaran, Elgoibarren edo Soraluzen bizi direnek deskontu txiki bat izango dute: helduek 2,5€ pertsonako, eta 12 urtetik beherako haurrek 1,5€ pertsonako.

Gutxienez 2 parte hartzaile beharko dira bisitaren irteera bermatzeko.

Aurtengorako aurreikusitako lanak

Bisita gidatuetaz gain, indusketak egiten ere jarraituko da. Aurten Maurketa eta Kurutzebakarreko dolmenak indusiko dira. Bestalde, ibilbidea hobetzeko lanei dagokienez, itxitura eta interpretazio lanak egingo dira Frantsesbasoa eta Aizpuruko Zabalako dolmenetan.