Itxaropena erretiratuen elkarteko obrak amaitu dira

2022/10/06
Taberna bihar, ostirala, 17:00etan irekiko da berriro jendearentzat

Aste honetan amaitu dira Soraluzeko Itxaropena jubilatuen etxeko komunak berritzeko eta egokitzeko lanak. Patricia Borinaga Udaleko Osasun, Gizarte Ongizate eta Immigrazio arduradunak azaldu duenez, obra horien helburu nagusia “udal-lokal bateko komunetan, Itxaropena erretiratuen etxean, gehienbat adineko pertsonak ibiltzen diren tokian, irisgarritasuna bermatzea eta erorikoak eta lesioak izateko arrisku-faktoreak gutxitzea izan da”.

Hala, espazioa berritzeko eta egokitzeko aurrekontua 24.765 eurokoa (+BEZa) izan da, eta obren ardura izan duten enpresak honako hauek izan dira:

- Iturgintza: Fogasler S.L. (7.680 euro + BEZa)

- Igeltserotza: JM Criado SL igeltserotza (13.790 euro +BEZa)

- Elektrizitatea: Electricidad Laibi S.L (1.760 euro + BEZa)

- Arotzeria, Urkiaga Aroztegia (1.535 euro +BEZa).

 

Irekiera, bihar

Bainugeletako obrak amaituta, bihar, ostirala, urriaren 7an, 17:00etan, berriz irekiko da taberna-zerbitzua. Hemendik aurrera, ondoko ordutegi hau izango du:

NEGUAN:

- Igande, astearte eta asteazkenetan, 10:00etatik 21:00etara.

- Ostegun, ostiral eta larunbatetan, 10:00etatik 22:00etara. 

UDAN:

- Igande, astearte eta asteazkenetan, 10:00etatik 22:00etara.

- Ostegun, ostiral eta larunbatetan, 10:00etatik 10:00etara.

 

Astelehenetan taberna itxita egongo da asteko atsedenaldiagatik.

 

Zerbitzua hobetzeko inbertsioak

Jendearentzat berriro irekitze horri begira, zenbait inbertsio egin dira taberna-zerbitzua hobetzeko. Inbertsio horiek 5.296 eurokoak + BEZ izan dira, eta Comercial Hostelera del Norte-n (4.815,72 euro + BEZ) eta Comercial Zabala-n (480,33 euro + BEZa) egin dira. Sukaldeko tresna hauek erosi dira:

- Altzairu herdoilgaitzezko izotz-armairu bertikal bat.

- Altzairu herdoilgaitzezko izotz-fabrikatzaile bat.

- Altzairu herdoilgaitzezko 4-5 eta 6-7 litroko bi frijigailu elektriko.

- 4 mailako bi apal kit biltegiratzeko. 

- Barrarako eta sukalderako hainbat tresna (edalontziak, kopak, platerak, zartaginak, kazolak).