Jarduera fisikoaren orientazio-zerbitzu berria aurkeztu zuten atzo

Jarduera fisikoaren orientazio-zerbitzu berria aurkeztu zuten atzo

2023/02/07
Soraluzeko Udalak "Goazen Soraluze" orientazio zerbitzu berria jarri du abian, herritarren artean bizi ohitura aktibo eta osasungarriagoak sustzeko helburuarekin.

"Goazen Soraluze" Jarduera Fisikoaren Orientazio Zerbitzua Udaleko Kirol Departamentuak eta Gizarte Ongizate Departamentuak elkarlanean sortutako zerbitzua da, Gipuzkoako Foru Aldundiaren eta Eusko Jaurlaritzaren laguntzarekin.

Zerbitzua atzo aurkeztu zuten, kiroldegiko Tolarekua aretoan egindako agerraldian. Auzkepenean ondorengoek parte hartu zuten: Iker Aldazabal (Soraluzeko alkatea), Patricia Borinaga (Osasun, Gizarte Ongizate eta Inmigrazio zinegotzia), Unai Asurmendi (Gipuzkoako Foru Aldundiko teknikaria), Maialen Alkorta (zerbitzua kudeatuko duen Athlon enpresako koordinatzailea) eta Malen Ruiz de Azua (Mugiment egitasmoko teknikaria).

Jarduera fisikoaren orientazio-zerbitzuaren helburua da patologiak dituzten zein patologiaren ez duten pertsona inaktiboei laguntza ematea, euren bizitzetan ohitura modura txerta dezaten jarduera fisikoa, horri esker euren egoera fisikoa zein ongizate orokorra hobetze aldera.

Zerbitzua Mugiment Gipuzkoa estrategiaren baitan kokatzen da eta Soraluzekoa EAEko 33. orientazio zerbitzua izango da eta Gipuzkoako 19.a.

Elkarlana oinarrian

Proiektuaren lidergoa konpartitua da, Soraluzeko Udalaren, Osakidetzako Osasun Zentroaren eta Foru Aldundiaren artean. Oinarriak elkarrekin ezartzen dituzte eta elkarrekin diseinatzen dituzte aurrera eraman beharreko lanak. Iker Aldazabal alkateak eta Unai Asurmendi Aldundiko ordezkariak nabarmendu dute "erakunde ezberdinen arteko koordinazioa izango dela proiektuaren arrakastaren gakoetako bat".

Zerbitzuaren helburuak

Ondorengoak dira sortu berria den zerbitzuaren helburuak:

  • Soraluzetarren artean bizi ohitura aktiboagoak eta osasungarriagoak sustatzea.
  • Herritarren bizitgza-portaeren aldaketa eragitea, sedentarismotik bizitza aktibora pasatzea.
  • Ohitura osasuntsuetan heztea.

Astean behin, Udal Kiroldegian

Zerbitzua doakoa da eta adin tarte guztiei zuzenduta dago. Athlon enpresak kudeatuko du, Anje Eskarza teknikariaen bitartez.

Astean behin emango du zerbitzua, astearteetan, kiroldegian bertan, ondorengo ordutegiarekin: goizez 9:00etatik 13:00etara; arratsaldez 14:00etatik 16:00etara. Gainera bi astetik behin osasun zentroan ere egongo da, osasun zentroan bertan jarduera fisikoa egitea agintzen zaien herritarrak artatzeko.

Zerbizuarekin harremanetan jartzeko:

 Zerbitzuari buruzko informazio gehiagorako ondorengo bideoak kontsulta daitezke:

https://mugiment.euskadi.eus/jarduera-fisikoaren-orientazio-zerbitzuak/webmug00-content/eu/