Pilak biltzeko edukiontzi berriak

2018/02/12
Udalak pilak biltzeko edukiontzik jarri ditu herriko hainbat tokitan, eta pilak behar den moduan birziklatzeko deia egin die herritarrei, pilek ingurumenarentzat oso kutsagarriak diren osagaiak dituztelako.

Abenduan Debabarreneko Mankomunitateak eta Soraluzeko Udalak hondakinak batzeko sistema berriari buruzko informazioa emateko antolatu zuten hitzaldian hainbat herritarrek pilak biltzeko edukiontziak jartzea eskatu zuten.

Eskaera horri erantzunez, eta pilen bilketa errazteko asmoarekin, edukiontzi gorriak jarri dira herriko gune desberdinetan.

Pilen edukiontziak hurrengo kaleetako edukiontzi-guneetan aurki daitezke:

  • Alejandro Calonge
  • Atxuri
  • Baltegieta
  • Errabal, zubi nagusia
  • Errekaldea
  • Estaziñoa
  • Etxaburueta
  • Ezozibidea
  • Gabolats
  • Gipuzkoako etorbidea
  • Loralde
  • Olea
  • Sagarrerreka
  • Santa Ana
  • Txurruken