Soraluzeko eraso matxistaren gaitzespena

2019/01/21
Soraluzeko Udalak igande goizaldean herrian izandako eraso matxista gaitzetsi du eta gaur arratsaldeko 7:30erako deitutako kontzentrazioan parte hartzera animatu ditu herritarrak.

El Ayuntamiento de Soraluze muestra su máxima condena y su más profunda indignación por la agresión machista que tuvo lugar en nuestro municipio en la madrugada del domingo, cuando un joven de 21 años, que ya sido identificado por la Ertzaintza aunque aún no ha sido localizado y detenido, entró en el domicilio de su expareja con la intención de llevarse al bebe de ambos. Cuando la Ertzaintza, alertada por un vecino, se presentó en la vivienda el agresor ya no se encontraba en la misma por lo que procedió a tomar declaración a la víctima y trasladarla al hospital. Según los datos facilitados por el Departamento de Seguridad del Gobierno vasco, la mujer presentaba golpes en la boca y en todo el cuerpo y ha puesto denuncia contra el agresor.

Soraluzeko Udalak gogor gaitzetsi du igande goizaldean herrian izandako eraso matxista, baita erasoaren aurrean bere sumina adierazi ere. Aurkitu eta atxilotu ez badu ere, Ertzaintzak dagoeneko identifikatu duen  21 urteko gaztea bikotekide ohiaren etxebizitzan sartu zen, bion haurra eramateko asmoz. Bizilagun batek abistatuta, Ertzaintza bertaratu zenean, gaztea dagoeneko ez zegoen bertan. Ertzaintzak biktimari deklarazioa hartu eta ospitalera eraman zuen. Eusko Jaurlaritzako Segurtasun Sailak jakinarazi duenez, emakumeak kolpeak ditu ahoan eta gorputz osoan eta erasotzailearen aurkako salaketa jarri du.

Udalak adierazi du emakumeen aurka ematen diren indarkeria era desberdinek (Psikologikoa, ekonomikoa, fisikoa eta sexuala…) beraien osotasun eta duintasun fisiko eta moralaren aurkako eraso zuzena suposatzen dutela; ondorioz, oinarrizko eskubideen aurkako bortxaketa larri eta onartezina.

Soraluzeko Udalak gogora ekarri du eraso sexistak eta sexu-erasoak gizartean eta eguneroko bizitzan, arlo publikoan nahiz pribatuan, ematen den indarkeria matxistaren isla baino ez direla eta, hori dela eta, emakumeenganako errespetuan oinarritzen ez den jokaera oro gaitzesten duela, keinu eta jarrera sexistetatik hasi eta muturreko erasoetaraino.

Soraluzeko Udalak berretsi nahi du era honetako gaitzespenek ez dutela ezertarako balioko ez badugu barneratzen berdintasun, prebentzio, heziketa eta, batez ere, errespetu gehiagorekin bakarrik lortuko dugula emakumeek eta neskatilek momentu oro eta toki orotan pairatzen dituzten indarkeria eta jarrera matxistekin amaitzea.

Gertaera honek erakundeak eta gizarteak gure udalerrietan benetako berdintasuna erdiesteko daukagun erantzukizunaren aurrean jartzen gaitu. Ezin dugu beste alde batera begiratu. Ezin gara konplize izan. Era honetako jarrerenganako tolerantzia eta inpunitatearekin amaitu beharra dago. Honi dagokionean, sentsibilizazio eta prebentzio lana egiten jarraitu behar dugu, gure herriko gazteen artean bereziki, beraiek baitira etorkizuneko herritarrak. Emakumeen aurkako edozein indarkeria-adierazpen aktiboki gaitzetsi behar dugu, salatuz, ez onartuz, ixilik ez geratuz eta biktimari babesa eta laguntza emanez.

Bukatzeko, Soraluzeko Udalak bere elkartasuna adierazi nahi die erasoa jasan dutenei eta beren ingurukoei. Eta Korner Morea-Soraluzeko Transfeministak Elkartearekin batera, gaur, astelehena, urtarrilak 21, arratsaldeko 7:30etan, Plaza Berrian antolatutako elkarretaratzera joateko deia egiten du.