Usoa Zumetaren erakusketa

2022/06/28
Ostiral honetan inauguratuko da, Oreka Art galerian, Usoa Zumeta artista usurbildarraren erakusketa; azken urteetan egindako euskal artista ezagunen serigrafiak ikus daitezke bertan.

Ostiralean inauguratuko da Gabolats kaleako Oreka Art galeriaren hurrengo erakusketa, Usoa Zumetaren obrekin osatutakoa, hain zuzen ere.

Usoa Zumeta (Usurbil, 1969) Arte Ederretan lizentziaduna da, eta bi hamarkadako esperientzia du estanpazio eta edizio lanetan. Horrek artista garrantzitsuenetako batzuekin lan egiteko aukera eman dio.

Usoak artista ezberdinen jatorrizko lanak sortzen ditu serigrafia teknika gisa erabiliz. Horrela, Oreka erakusketan aurkezpenik behar ez duten artisten lanak ikusi ahal izango dira. Horietako bat Usoaren beraren aita da; José Luis Zumeta, 2020an hil zen margolari abstraktu ospetsua, Gaur euskal arte taldearen sorreran parte hartu zuena, Oteiza, Chillida edo Basterretxea bezalako beste artista batzuekin batera.

Dora Salazar, Koldobika Jauregi, Ainize Txopitea, Nestor Basterretxea, Elena Asins eta beste hainbat euskal artista ezagunen obra serigrafiatuak ere ikusi ahal izango dira.

Erakusketak ostiralean arratsaldeko 7etan zabalduko ditu ateak eta uztailaren 29ra arte bisitatu ahal izango da, astelehenetik ostiralera, arratsaldeko 7etatik 8etara.